სააკაშვილის მდგომარეობა გაუარესებულია - თენგიზ წულაძე
ნევროლოგმა, თენგიზ წულაძემ კლინიკა „ვივამედიდან“ გამოსვლის შემდეგ განაცხადა, რომ სააკაშვილის მდგომარეობა 4 დეკემბრის შემდეგ გაუარესებულია.
„დეტალებზე ვერ ვისაუბრებ, ჩვენ თვითონაც უნდა შევჯერდეთ, გაზომვის მონაცემები აღვწეროთ. ამჟამად შეგვიძლია ვთქვათ, მდგომარეობა ცალსახად გაუარესებულია იმაზე მეტად, ვიდრე 4 დეკემბერს იყო. გაუარესება გამოიხატება წონაში კლებით, კუნთების მასის კიდევ უფრო მეტად შემცირებით. ჯერჯერობით ამის თქმა შემიძლია, დანარჩენს დეტალურად დავწერთ და გამოვაქვეყნებთ“, - განაცხადა წულაძემ.
