2023 წლის გაზაფხულზე ზოდიაქოს 3 ნიშანი ნამდვილ სიყვარულს იპოვის - რას ამბობენ ასტროლოგები?

2023 წლის გაზაფხულზე ზოდიაქოს 3 ნიშანი ნამდვილ სიყვარულს იპოვის. 

კურო (21 აპრილი - 20 მაისი)

კუროს ცხოვრებაში ნანატრი ცვლილებების დრო დგება. ასტროლოგების თქმით, 2023 წლის გაზაფხულზე ყველა შანსი გაქვთ, რომ მნიშვნელოვან ადამიანს შეხვდეთ და რომანტიკული თავგადასავალი შექმნათ. მნიშვნელოვანია, რომ არ შეგეშინდეთ და სიახლეებისთვის მზად იყოთ. აიღეთ პასუხისმგებლობა და შანსი ხელიდან არ გაუშვათ. თქვენთვის საინტერესო ადამიანი შესაძლოა, სრულიად მოულოდნელად გამოჩნდეს, ან იმავე წრეში იყოს, სადაც ხართ, მაგრამ ადრე ყურადღებას არ აქცევდით. ნებისმიერ შემთხვევაში, ინტერესსა და დაახლოების სურვილს იგრძნობთ. ნუ შეუშინდებით თქვენი რუტინის დარღვევას და ცხოვრებაში სიყვარულსაც სათანადო დრო დაუთმეთ.

კირჩხიბი (21 ივნისი - 22 ივლისი)

ზოდიაქოს ამ ნიშნის ბევრი წარმომადგენელი მიხვდება, რომ ცხოვრების ახალ ეტაპზე გადასვლისთვის უკვე მზადაა. შესაძლოა, სრულიად მოულოდნელად დაუახლოვდეთ ადამიანს, რომელთანაც ნაცნობობა ადრეც გაკავშირებდათ. თუმცა, ახლა იგრძნოთ, რომ ის მოგწონთ და ბევრი საერთო თვისება გაქვთ. თუკი ვინმე თქვენ მიმართ ყურადღებას გამოხატავს, ნუ უგულებელყოფთ და სიახლეების ნუ შეგეშინდებათ. არ თქვათ უარი მეგობრებთან შეკრებაზე, ღონისძიებებზე, წვეულებებზე წასვლაზე. შესაძლოა, სწორედ იქ დაიწყოს ურთიერთობა, რომელიც მომავალში ბევრ ბედნიერ დღესა და სასიამოვნო თავგადასავალს მოგიტანთ.

მერწყული (20 იანვარი - 18 თებერვალი)

ზოდიაქოს ამ ნიშნის წარმომადგენლებისათვის გაზაფხული შესანიშნავი დროა, რომ ცხოვრების ახალი ეტაპი დაიწყონ. ასტროლოგების თქმით, ეს ერთ-ერთი უმნიშვნელოვანესი პერიოდია, როცა ყველა შანსი გაქვთ, რომ თქვენი ცხოვრების მნიშვნელოვან ადამიანს შეხვდეთ. წელიწადის ამ დროს ყველაზე გამორჩეული, თავდაჯერებული და ძლიერი იქნებით და თქვენი ეს ენერგია შეუმჩნეველი არ დარჩება. დროა, ცხოვრებაში სიახლეები შემოიტანოთ, გადადგათ გაბედული ნაბიჯი და დრო სიყვარულსაც დაუთმოთ.

წყარო: ბომონდი