2012 წლის მაისში ყველაზე პოპულარული ვიყავი - რას ამბობს ვანო მერაბიშვილი?
ნაციონალური მოძრაობის წევრმა, საქართველოს შს ყოფილმა მინისტრმა, ვანო მერაბიშვილმა განაცხადა, რომ რეიტინგი არასტაბილური რამეა. მისი თქმით, ის 2012 წლის მაისში ყველაზე პოპულარული პოლიტიკოსი იყო და ნოემბერში ყველაზე არაპოპულარული გახდა.
ამის შესახებ მან უკრაინულ მედიასთან Freedom TV-ისთან ინტერვიუში განაცხადა.
"ყველაზე არასტაბილური რამ რეიტინგია, მე 2012 წლის მაისში რეალურად ყველაზე პოპულარული პოლიტიკოსი ვიყავი და ნოემბერში ყველაზე არაპოპულარული გავხდი. ეს ობიექტური შედეგებია, ასე რომ რეიტინგები არაფერს ნიშნავს. ხვალ რომ აღარ იყოს პუტინი, საქართველო სხვანაირი გახდება, ერთ დღეში შეიცვლება“, - განაცხადა ვანო მერაბიშვილმა.
