თბილისში, ახალი ავტობუსები შემოვა - რა ინფორმაცია ვრცელდება?

თბილისისთვის 18-მეტრიანი ავტობუსების შესაძენად ტენდერში გამარჯვებული გამოვლენილია, თუმცა ხელშეკრულება ჯერ არ დადებულა. შესყიდვების სააგენტოს ვებსაიტზე ატვირთულია დოკუმენტები ტრანსპორტის მახასიათებლების შესახებ.

ავტობუსების რაოდენობა - 160;

ერთეულის ფასი - 1 618 759 ლარი;

მწარმოებელი - MAN-ი;

მოდელი - MAN Lion's City 18C;

გამძლეობა - 12 წელი და 1 020 000 კმ;

გამოშვების თარიღი - 2023 წელი;

სიგრძე - 18,06 მეტრი;

სიგანე - 2,55 მეტრი;

სიმაღლე - 3,34 მეტრი;

კარების რაოდენობა - 4 (შიდაგაღების, ორფრთიანი);

იატაკი - მთლიან სამგზავრო სივრცეში იქნება დაბალი, გარდა ბორბლებისა და ძრავის სივრცეებისა;

ტევადობა - 162 მგზავრი (43 დასაჯდომი, მძღოლის ადგილი, 2 დასაკეცი სავარძელი, შშმ პირებისთვის 1 ეტლის ადგილი);

მაქსიმალური სიჩქარე - 80 კმ/სთ;

შესაძლებლობა - შეუძლია 18%-იან დახრილობაზე ასვლა;

ფერი - დამკვეთთან შეთანხმებით სამ ფერში;

გათბობა-გაგრილება - ავტობუსს ექნება კონდიცირების სისტემა და შესაძლებელი იქნება ფანჯრების გახსნა;

ელექტრონული მოწყობილობები - WiFi (2 SIM სლოტი) 100 მგზავრის წვდომის შესაძლებლობით, USB დამტენები, გამოცხადების სისტემა, საინფორმაციო დაფა.

ტენდერში გამარჯვებულია კომპანია "თეგეტა მოტორსი". მან სატენდერო ფასზე 1716 ლარით იაფად შესთავაზა მერიას ავტობუსი.