„ცუდად დასრულდება ეს ყველაფერი და მოგაგონდებათ ჩემი რჩევა!..“ - თაკო ჩარკვიანი ბიძინა ივანიშვილს აფრთხილებს
პარტიის „კანონი და სამართალი“ ლიდერი, თაკო ჩარკვიანი სოციალური ქსელის მეშვეობით „ქართული ოცნების“ დამუძნებელს, ბიძინა ივანიშვილს მიმართავს და მოუწოდებს დაუყოვნებლივ გაათავისუფლოს ექსპრეზიდენტი, მიხეილ სააკაშვილი.
„ივანიშვილო!!!! უნდა გაუშვათ მესამე პრეზიდენტი - სააკაშვილი! უნდა! უნდა გაუშვათ! ნუ ირთულებთ საკუთარ ყოფას, ნურც ქვეყანას ურთულებთ, ნუ არცხვენთ ქვეყანას, სირცხვილია, რაც ხდება სახელმწიფოსთვის! გადაიყვანეთ სააკაშვილი დასავლეთის კლინიკაში!
ასე რამ შეგაშინა, ცუდად დასრულდება ეს ყველაფერი და მოგაგონდებათ ეს ჩემი რჩევა..... არ აჰყვეთ თქვენს გარშემო მოკალათებულ და თქვენით გამდიდრებულ და სასაცილოდ "გადიდკაცებულ" დროებითი გარემოს ფეიკ შემქმნელებს და მათ რჩევებს - "ხარამხანის ვარდები" საშიშნი არიან, სხვადასხვა ბაღჩა-ბაღებში ყვავილობას მიჩვეულნი არიან!!!! დაუჯერეთ ჩემს რჩევას გადაიყვანეთ დასავლეთის კლინიკაში, იფიქრეთ საკუთარ მომავალზე, დაგიფასდებათ!“ - წერს ჩარკვიანი.
