30 წელია დაკარგულია „ამერიკელ რემბო“, რომელიც სახლიდან აფხაზეთის დასაცავად გაიპარა - ისტორია, რომელიც აგატირებთ
ოჯახი 30 წელია ეძებს კაცს, რომელიც 1993 წლის 21 სექტემბერს სახლიდან აფხაზეთის დასაცავად გაიპარა.
„ვეძებ ზაზა ზაურის ძე გელაშვილს (გელაშა), დაბადებულია თბილისში, 1973 წლის 24 აგვისტოს. 1993 წლის 21 სექტემბერს თბილისის აეროპორტიდან გაფრინდა სოხუმში, გაიპარა სახლიდან, მოხალისედ, აფხაზეთის დასაცავად. ოჯახი 30 წელი ეძებს მის კვალს და ვერაფერს მიაგნო. თუ ვინმემ რაიმე იცის მის შესახებ, გთხოვთ, გვაცნობოთ, ან ვინმეს თუ გიბრძოლიათ მასთან ერთად, ვიცით, რომ „ამერიკელ რემბოს“ და „გელაშას“ ეძახდნენ“, - წერს ჯგუფ ვეძებში“ ელნერი ლომაური.
