2026 წლის 6 თვეში თბილისში 454 შენობა შევიდა ექსპლუატაციაში
2026 წლის 6 თვეში თბილისში ექსპლუატაციაში 454 შენობა შევიდა - ამის შესახებ ინფორმაციას დედაქალაქის მუნიციპალური ინსპექცია ავრცელებს.
უწყების ცნობით, მიმდინარე წელს სულ 683 განცხადება დარეგისტრირდა, რომელთა ნაწილიც ჯერჯერობით განხილვის პროცესშია.
„ნებართვის საფუძველზე და შეთანხმებული არქიტექტურული პროექტის შესაბამისად, დასრულებული შენობა-ნაგებობის ექსპლუატაციაში მიღებისთვის, აუცილებელია განცხადების და შესაბამისი დოკუმენტაციის წარმოდგენა თბილისის მუნიციპალურ ინსპექციაში“, - ვკითხულობთ მუნიციპალური ინსპექციის განცხადებაში.
