ბრიუსელში ნატოს ქვეყნების საგარეო საქმეთა მინისტრების შეხვედრა იმართება
ნატოს წევრი ქვეყნების საგარეო საქმეთა მინისტრები ბრიუსელში შეიკრიბნენ. ორდღიან მინისტერიალზე უკრაინის მხარდაჭერის საკითხს განიხილავენ. ასევე, იმსჯელებენ ღაზის, ჩინეთისა და დასავლეთ ბალკანეთის საკითხებზე.
შეხვედრის დაწყებამდე განცხადებები გააკეთეს ალიანსის გენერალურმა მდივანმა იენს სტოლტენბერგმა და ამერიკის სახელმწიფო მდივანმა ენტონი ბლინკენმა. მათ უკრაინის მყარი მხარდაჭერა კიდევ ერთხელ დაადასტურეს.
