Odysseus-ის მთვარის ლენდერმა მთვარიდან პირველი ფოტოები გამოგზავნა - ნახეთ ფოტოები

4 დღე გავიდა მას შემდეგ, რაც Intuitive Machines-ის Odysseus-ის ლენდერი მთვარეზე დაეშვა. მართალია, გადატრიალდა, მაგრამ მალევე გავიგეთ, რომ დედამიწაზე ინფორმაციების გამოგზავნა კვლავ შეეძლო. ამგვარად, მისიის გუნდი უკვე გვიზიარებს პირველ კადრებს, რომელიც ადასტურებს, რომ ლენდერს კვლავ აქვს კომუნიკაცია ფრენის კონტროლერებთან. მიუხედავად იმისა, რომ ამჯერად მისი უცნაური კუთხით დგომა არ აძლევს მონაცემების სრულად გადაცემის საშუალებას.

ამასობაში, Odysseus-ის დაშვების ადგილზეც შეიტყვეს, რომ იგი თავდაპირველი სამიზნე ადგილიდან 1.5 კილომეტრშია Malapert A კრატერთან ახლოს, მთვარის სამხრეთ პოლარულ რეგიონში. თუმცა ცუდი ამბავი ის არის, რომ მზის ენერგიაზე მომუშავე ლენდერმა იმაზე მალე შეიძლება შეწყვიტოს ოპერირება, ვიდრე მოელოდნენ. შესაბამისად, მისიაც ვერ გასტანს 10 დღეს.

„ფრენის კონტროლერები მონაცემებს შეაგროვებს მანამ, სანამ ლენდერის მზის პანელები შუქის ზემოქმედების ქვეშ იქნება. მთვარისა და დედამიწის პოზიციონირების გათვალისწინებით, გვწამს, რომ ფრენის კონტროლერები გააგრძელებს ოდისევსთან კომუნიკაციას სამშაბათს დილამდე“, — აცხადებენ მეცნიერები.

შეგახსენებთ, რომ აპოლოს მისიების შემდეგ, Intuitive Machines-ის Odysseus-ის ლენდერი პირველია, რომელმაც მთვარეზე დაშვება მოახერხა.