კენიაში მოკლეს გადასახადების ზრდის საწინააღმდეგო აქციის რამდენიმე მონაწილე
კენიის დედაქალაქ ნაირობიში, პოლიციამ ცეცხლი გაუხსნა დემონსტრანტებს, რომლებიც საკანონმდებლო ორგანოში შეჭრას ცდილობდნენ. ინფორმაციას ამის შესახებ სააგენტო Reuters-ი ავრცელებს.
გავრცელებული ინფორმაციით, სროლას საპროტესტო აქციის, სულ მცირე, ხუთი მონაწილე ემსხვერპლა, ხოლო ათეულობით ადამიანი დაშავდა.
ქვეყანაში საპროტესტო აქცია გადასახადების გაზრდის საკანონმდებლო ინიციატივას უკავშირდება.
როგორც სააგენტო Reuters-ი იუწყება, პოლიციამ ცეცხლი მას შემდეგ გახსნა, რაც ცრემლსადენი გაზისა და წყლის ჭავლის მეშვეობით საპროტესტო აქცია ვერ დაშალა.
