"გული მეგლი­ჯე­ბა, ჩემი წურ­წი­კა! უნი­ჭი­ე­რე­სი წურ­წი­კა...” - ხობში, გარდაცვლილ მსოფლიო ჩემპიონს ემშვიდობებიან

ბერძნულ-რომაულ ჭიდაობაში მსოფლიო ჩემპიონი ნუგზარ წურწუმია გარდაცვლილი ნახეს.

არსებული ინფორმაციით, ცხედარი ხობში, სპორტსმენის სახლში იპოვეს. 

ნუგზარ წურწუმია 27 წლის იყო.

ახლობლების ინფორმაციით, სპორტსმენის გარდაცვალება, სავარაუდოდ, სუიციდს უკავშირდება.

ნუგზარს, ემოციურად ემშვიდობებიან:

"როგორ დაგვწყვიტე გული... უფალმა ნათელში გამყოფოს" " ღმერთო რატომ, რა საოცარი ბიჭი იყო" "ძალიან მოგვენატრები..." - წერენ სოციალურ ქსელში.

"მშვი­დო­ბით ოქ­როს ბიჭო! ეს რა დაგ­ვე­მარ­თა. მსოფ­ლი­ოს ჩემ­პი­ო­ნი ბერ­ძნულ-რო­მა­ულ ჭი­და­ო­ბა­ში, ნუგ­ზარ წურ­წუ­მია სა­კუ­თარ სახ­ლში გარ­დაც­ვლი­ლი იპო­ვეს. გული მეგლი­ჯე­ბა, ჩემი წურ­წი­კა! უნი­ჭი­ე­რე­სი წურ­წი­კა", - წერს მა­ცა­ცო კევ­ლიშ­ვი­ლი.

ცნობილი ქართველი მოჭიდავე 1997 წელს დაიბადა. მისი სპორტული კარიერა არაერთ გამარჯვებას ითვლის. 2019 წელს 55 კგ წონით კატეგორიაში მან მსოფლიოს ჩემპიონობა იზეიმა, 2022 წელს კი მსოფლიოს ვიცე-ჩემპიონი გახდა. არის მსოფლიოს პირველობის ორგზის ბრინჯაოს პრიზიორი.