როგორ უნდა მოვიქცეთ თუ დამქირავებელი არც ქირას იხდის და არც ბინას ათავისუფლებს? - იურისტის რჩევები (ვიდეო)

რა ხდება იმ დროს, როცა დამქირავებელი არც ქირას იხდის, და არც ბინას ათავისუფლებს - ამის შესახებ ადვოკატი, ვახტანგ მაჭავარიანი სოციალურ ქსელში განმარტებას აკეთებს.

"2023 წლის დასაწყისში იუსტიციის სამინისტრომ წარმოადგინა საკანონმდებლო ინიციატივა, რომლის მიხედვითან აღსრულების ეროვნულ ბიუროში შესაძკებელი ხდებოდა უძრავიქ ონების იჯარის ან ქირავნობის რეგისტრაცია. პროექტის მიხედვით, თუ დამმქირავებელი დაარღვევს ვალდებულებებს, აღსრულების ეროვნულ ბიუროს სასამართლოს გარეშე შეეძლება გამოსცეს აქტი, რომლს საშუალებიტაც დაჩქარებული წესით მოხდება დამქირავებლის გამოსახლება და გადაუხდელი ტანხის დაკისრება. ბევრი დადებითად შეხვდა ამ ინიციატივას. თუმმცა უკვე 2024 წლის ივლისია და ეს პროექტი ისევ ინიციატივად რჩება. დღეს არსებული კანონი კი დაუცველ მდგომარეობაში აყენებს ბინის გამქირავებელს. უძრავი ქონების გაქირავების შემთხვევაში, მხარეებს შორის იდება ხელშეკრულება, სადაც სხვადასხვა საკითხებთან ერთად, თუ რა თანხად და რა პერიოდით ხდება მითითებული ბინის გაქირავება. საგადასახადო დაბეგვრის განსახორციელებლად, ფიზიკურ პირებს შორის დადებული ხელშეკრულება უნდა დარეგისტრირდეს შემოსავლების სამსახურში. ხოლო იმ შემთხვევაში თუ ხელშეკრულების ერთი მხარე არის კერძო სამართლის იურიდიული პირი და ხელშეკრულება დადებულია ერთ წელზე მეტი ვადით, მაშინ რეგისტრაცია საჯარო რეესტრშიც უნდა გაფორმდეს. თუ დამქირავებელი 3 თვის განმავლობაში არ იხდის ქირას და არც ბინას ათავისუფლებს, სამართლებრივად თქვენ მხოლოდ ერთი გზა გაქვთ - მიმართოთ სასამართლოს და მოითხოვოთ ქირავნობის ხელშეკრულების მოშლა, გაქირავებული ფართის უკან დაბრუნება და დამქირავებლისთვის ბინის ქირის გადახდის დაკისრება. იმ პერიოდისათვის, სანამ ის თქვენს სახლში ცხოვრობს. სასამართლო იმსჯელებს ამ საკითხებზე და დიდი ალბათობით თქვენს სასარგებლო გადაწყვეტილებას გამოიტანს. ამ პროცედურას კი სავარაუდოდ, ერთი წელი სჭირდება. პირველი ინსტანციის სასამართოს შეუძლია, რომ აღსრულების ბიუროს დაავალოს თქვენი ბინის გამოთავისუფლება, თუმცა ხშირია ისეთი შემთხვევა, როცა ასეთ მოთხოვნას სასამართლო არ აკმაყოფილებს და საქმის განხილვა ჯერ სააპელაციოში, შემდეგ კი უზენაეს სასამართლოში გრძელდება.ამ პროპცედურას დამატებით კიდევ ორი წელი მიაქვს. დაიმახსოვრეთ, არანაირი მნიშვნელობა არ აქვს დამქირავებელი საქართველოს მოქალაქეა თუ არა, რადგან კანონი ყველასთვის ერთია. თუმცა უცხოელებთან მიმართებაში ზიანის ანაზღაურება უფრო რთულია. თუ მას საქართველოში არ გააჩნია არანაირი ქონება, მისგან ზიანის ანაზღაურება და თანხის ამოღება თითქმის შეუძლებელი ხდება,“ - ამბობს ვახტანგ მაჭავარიანი.