მარჯანიშვილი - ძველი სტილი, ახალი სიცოცხლე

მარჯანიშვილი თბილისელებისთვის ერთ-ერთი ყველაზე გამორჩეული, სტილური და მრავალფუნქციური უბანია - ის აერთიანებს ისტორიას, თეატრალურ სულს, არტ დეკოს არქიტექტურას, ბოჰემურ კაფეებსა და თანამედროვე ქალაქურ ცხოვრებას. მარჯანიშვილის გამზირი და მის ირგვლივ არსებული ქუჩები არა მხოლოდ ქალაქის ცენტრალური ნაწილი და სატრანსპორტო კვანძია, არამედ ადგილი, სადაც ისტორია, კულტურა და თანამედროვეობა ერთმანეთს ხვდებიან.

მარჯანიშვილის ქუჩებზე ჯერ კიდევ შემორჩენილია ძველი თბილისის არტ დეკოს სტილის სახლები: ვიწრო აივნებით, დიდი ფანჯრებითა და დეკორით გაფორმებული ფასადებით. ამასთან ერთად, შეხვდები საბჭოთა პერიოდის ბრუტალისტურ სტრუქტურებსაც რაც უბანს მრავალფეროვან და ქაოსურად საინტერესო იერს აძლევს.

მარჯანიშვილის თეატრი დღემდე რჩება ხელოვნების, ექსპერიმენტების და ქალაქური კულტურის ცოცხალ ცენტრად. მის ირგვლივ განლაგებული კაფეები, წიგნის მაღაზიები და ბარები ქმნის ე.წ. “თეატრის კვარტალს”, რომელიც ყოველდღიურად იზიდავს როგორც ადგილობრივებს, ისე ტურისტებს.

მარჯანიშვილზე მდებარეობს უამრავი სტილური კაფე, ღვინის ბარი და საკულტო ადგილები ახალგაზრდებისთვის. იქნება ეს ქუჩის ყავა, კოქტეილ-ბარი თუ ლაუნჯ სივრცე ყველა ტიპის ადამიანი აქ თავის კუთხეს პოულობს.

მარჯანიშვილზე და მის გარშემო ხშირად იხსნება დროებითი გამოფენები, დამოუკიდებელი სივრცეები და ხელოვნების ინიციატივები.

მარჯანიშვილის მეტროსადგური მოგცემს საშუალებას მარტივად შეხვიდე ან დატოვო უბანი. ეს გზა აკავშირებს რუსთაველის გამზირს, ჩუღურეთს და სხვა ცენტრალურ ლოკაციებს.

ქუჩის ერთ მხარეს შეიძლება გემოვნებიანი სამოსის ბუტიკი დაგხვდეს, მეორეს - ძველი წიგნების მაღაზია ან პატარა ანტიკვარული კუთხე.

მარჯანიშვილი არის თბილისი ისეთი, როგორიც ის დღეს არის და ხვალ შეიძლება გახდეს - ცოცხალი, ხმაურიანი, მრავალფეროვანი და ადამიანური.