"როდესაც ბინა მხოლოდ კედლები არ არის" - ემპათია და პროფესიონალიზმი მობინადრეებთან ურთიერთობაში
მობინადრეებთან ურთიერთობა არ არის მხოლოდ პასუხი სატელეფონო ზარზე ან კითხვაზე გადახდებთან დაკავშირებით - ეს არის პასუხისმგებლობა, ემპათია და ყოველდღიური ჩართულობა თითოეული ადამიანის ცხოვრების ერთ-ერთ უმნიშვნელოვანეს ეტაპზე. როცა ბინა არა მხოლოდ შენობაა, არამედ მომავლის გეგმების, ოჯახისა და სიმშვიდის ნაწილი, მნიშვნელოვანია, რომ მობინადრეებმა თავი იგრძნონ დაცულად, მოსმენილად და მხარდაჭერილად.
გუგა შონია ერთ-ერთი იმ ადამიანთაგანია, ვინც ამ ურთიერთობას სიმყარის და ნდობის საფუძველზე აშენებს. იგი ყოველდღიურად ათობით მობინადრესთან კომუნიკაციაშია ჩართული - ეს არის პასუხისმგებლობა, რომელიც მოითხოვს არა მხოლოდ ადმინისტრაციულ სიზუსტეს, არამედ ემოციურ ინტელექტსაც. ამ ინტერვიუში მასთან ერთად ვსაუბრობთ იმაზე, თუ როგორ ხდება რთული ამბების მოსმენა, გადაწყვეტილებების მიღება, ადამიანური დამოკიდებულება და მაღალი სტანდარტების დაცვა ერთდროულად.
- გიყვებათ თუ არა მობინადრეები ემოციურად მძიმე ამბებს (მაგალითად ჯანმრთელობის პრობლემები) როგორ პასუხობთ ასეთ შემთხვევაში, როცა ადმინისტრაციულად მკაცრი მიდგომა გმართებთ, მაგრამ ადამიანურად გაგება გესაჭიროებათ?
მობინადრეები ხშირად გვიყვებიან თავიანთი პირადი პრობლემების შესახებ, როდესაც მათთან გვაქვს კომუნიკაცია. თუნდაც ჯანმრთელობის გამო ან პირადი პრობლემების გამო ისინი შეიძლება ვერ ახერხებდნენ დროულად თანხის გადახდას, საჯარო რეესტრში მისვლას ან ნახაზების გაკეთებას მათი ბინისთვის, ჩვენ რათქმაუნდა ვითვალისწინებთ მობინადრის პრობლემას და ვცდილობთ მათი სათქმელი მივიტაოთ შესაბამის დეპარტამენტებთან, დავსვათ საკითხი მკაფიოდ და თავი წარმოვიდგინოთ მათ მდგომარეობაში, თუ როგორ მოვიქცეოდით ჩვენ ამ დროს. მაქსიმალურად ვცდილობთ რომ მობინადრის სასარგებოლოდ გამოვიტაოთ პასუხები ამ დეპარტამენტებისგან და მოვუგვაროთ საკითხი.
- როგორ ამყარებთ პირველ კომუნიკაციას ახალ მობინადრესთან? რა ინფორმაციას მიაწვდით, რომ მათ თავი დაცულად და ინფორმირებულად იგრძნონ?
პირველადი კომუნიკაცია გვაქვს მობინადრეებთან ბინის შეძენიდან არაუმეტეს 24 საათში, მათ პირველ რიგში ვულოცავთ ბინის შეძენას ვაცნობთ ჩვენს თავს და ვეუბნებით, რომ ნებისმიერი კითხვის შემთხვევაში დაგვიკავშირდნენ, ვაწევრიანებთ ფეისბუქ ჯგუფებში, სადაც მათ შეუძლიათ მშენებლობის მიმდინარე პროცესების ნახვა და თავიანთი მომავალი სამეზობლოს გაცნობა. რაც ყველაზე მნშვნელოვანია ვუხსნით მობიანდრეების პანელის შესახებ რომელიც საშუალებას აძლევთ მათ ნახონ თავიანთი ბინის ყველა ტექნიკური მონაცემები და ასევე აკონტროლონ თავიანთი გადახდები ლაივ რეჟიმში.
- როგორ აკონტროლებთ კომუნიკაციის ისტორიის შენახვას, რომ საჭიროების შემთხვევაში მტკიცებულებები გქონდეთ?
ჩვენ ვიყენებთ მეილებს და სხვადასხვა სოციალურ ქსელს უმეტესწილად ვოთსაპს, პირდაპირი კომუნიკაციის შემდეგ მობინადრეებს წერილობითაც ვატყობინებთ სხვადასხვა ინფომრაციას, რომ შემდეგ გვქონდეს მტკიცებულებები, ასევე შეგვიძლია ამოვიღოთ ზარის ჩანაწერები.
- როგორ შეაფასებდით საკუთარ კომუნიკაციის სტილს? რის გაუმჯობესებაზე იმუშავებდით?
ყოველი ზარი არის მნიშვნელოვანი და თითოეული ადამიანთან კომუნიკაციის შემდეგ ვიღებ ახალ გამოცდილებას, რაც უფრო მზრდის. ზოგჯერ რთულია ფამილარულობას და აკადემიურობას შორის დაიცვა ზღვარი, თუმცა ეს ოქროს შუალედი არის მნშივნელოვანი, სწორედ ამ უკანასკნელზე ვმუშაობ ამჟამად და მის დახვეწას ვცდილობ. ყველა მობინადრე ინდივიდუალურ მიდგომას საჭიროებს და ხშირი კომუნიკაციის აღნიშნული უნარები იხვეწება და დიდ გამოცილებას ვიღებ.
- რას მიიჩნევთ კარგ მომსახურებად მობინადრისთვის და როგორ ახდენთ ამის უზრუნველყოფას ყოველდღიურ კომუნიკაციაში?
მობინადრისთვის კარგ მომსახურებად ჩაითვლება სწორი კომუნიკაციის დამყარება მასთან, სიმართლის თქმა ყველანარი პროცესთან დაკავშირებით. სწორი კომუნიკაცია არ არის მხოლოდ პრობლემის მოგვარება, არამედ ამ ინფორმაციის დროულად მიწოდება და პრობლემის დროულად ვერ მოგვარების შემთხვევაში, ახსნა სიტუაციის და დაპირება იმის, რომ პრობლემას მალე მოვუგვარებთ.
