კორცხელის ინციდენტში მონაწილე სპორტსმენებს KALA KAPITAL LIMITED-სგან თანხა ჩაერიცხათ
კორცხელის ინციდენტამდე რამდენიმე დღით ადრე, ინციდენტში მონაწილე სპორტსმენების - გიორგი გიგაურის და ვლადიმერ გეგეშიძის ანგარიშებზე რუსულ ალფა-ბანკში გარკვეული თანხა ჩაირიცხა.
ამის შესახებ ინფორმაციას ერთიანი ნაციონალური მოძრაობის წევრები ავრცელებენ. პარტიაში სპეციალური ბრიფინგი გამართეს და ალფა ბანკის ოფიციალური დოკუმენტები გაასაჯაროვეს.
როგორც ალფა-ბანკის წერილშია მითითებული, ვლადიმერ გეგეშიძისთვის 17 მაისს ფიქსირდება თანხის ორჯერ ჩარიცხვა, ერთხელ 16:08 საათზე KALA KAPITAL LIMITED-ისგან 15 ათასი დოლარი, ხოლო მეორე ჩარიცხვა დავით ქარსელაძის, იგივე კალატოზასგან გადარიუცხული 10 ათასი ლარის ოდენობით 17:54 საათზე ფიქსირდება.
ასევე ალფა-ბანკის ოფიციალური დოკუმენტის მიხედვით, KALA KAPITAL LIMITED-ისგან 18: 37 საათზე გიორგი გიგაურის ანგარიშზე გადაირიცხა 10 ათასი დოლარი.
