სააკაშვილი წაგებული არჩევნების შეცდომებზე საუბრობს
მიხეილ სააკაშვილმა პოსტკრიპტუმისთვის მიცემულ ინტერვიუში იმ შეცდომებზე ისაუბრა, რომელმაც მის გუნდს 2012 წელს არჩევნები წააგებინა. მისი თქმით ოპოზიციაში ყოფნის 4 წელი საკმარისი იყო იმისთვის, რომ გაეანალიზებინა პოლიტიკური პროცესები. საქართველოს მესამე პრეზიდენტი ამბობს, რომ რეფორმებისა და მშენებლობის მასშტაბური ტემპების გამო ხშირ შემთხვევაში არ ხდებოდა მოსახლეობის აზრის გათვალისწინება და მათთვის სათანადოდ ახსნა, თუ რას ემსახურებოდა ესა თუ ის რეფორმა ან სახელმწიფო პროექტი.
საქართველოს მესამე პრეზიდენტის აზრით განახლებულმა ნაციონალურმა მოძრაობამ ხელისუფლებაში მოსვლის შემდეგ ყოველი მისი გადადგმული ნაბიჯი სათანადოდ უნდა აუხსნას მოსახლეობას და ეს ასეც იქნება.
