ჩვენი ქვეყნის დემოკრატიულობის განმტკიცების თვალსაზრისით არჩევნები მნიშვნელოვანია - პრეზიდენტი
საქართველოს პრეზიდენტმა ვარშავაში ნატო-საქართველოს კომისიის შემდეგ გამოქვეყნებულ განცხადებაში არჩევნების თემასთან დაკავშირებული ჩანაწერი შეაფასა.
განცხადებაში ალიანსი გამოთქვამს იმედს, რომ 2016 წლის არჩევნები საქართველოში მაღალი დემოკრატიული სტანდარტებით ჩატარდება.
„ქვეყნები, რომლებიც გაერთიანებული არიან ნატო-ში და ქვეყნები, რომლებიც ესწრაფვიან გაერთიანებას ნატო-ში, ერთიანდებიან არა მარტო სამხედრო და დაცულობის თვალსაზრისით, არამედ ერთიანდებიან იმ ღირებულებების ირგვლივ, როგორიც არის დემოკრატია და პიროვნული თავისუფლებები. ამ თვალსაზრისით არჩევნები, ბუნებრივია, არის უმნიშვნელოვანესი ნაბიჯი ჩვენი ქვეყნის დემოკრატიულობის განმტკიცების თვალსაზრისით,“ - განაცხადა გიორგი მარგველაშვილმა.