"მან ძალიან ბევრი შეურაცხყოფის უფლება მისცა თავს"- ხიდაშელი ივანიშვილზე საუბრობს
ხიდაშელი ფიქრობს, რომ ივანიშვილმა გაკეთებული განცხადებების შინაარსზე ბოდიში უნდა მოიხადოს.
"ჩვენ ორკვირა ნახევარში მოვისმინეთ ყოფილი პრემიერის განცხადებები რესპუბლიკელებზე და დავით უსუფაშვილზე. ამ განცხადებების დიდი ნაწილი იყო შეურაცხყოფა. როცა ადამიანს არგუმენტები არ აქვს, მაშინ იწყება შეურაცხყოფის მიყენება. მე ვფიქრობ, რომ მას შემდეგ, რაც ნებები ცხრება და ადამიანები ხვდებიან, რომ სიტყვა გაექცათ, რბილად რომ ვთქვათ, იმედი მაქვს, რომ ბოდიშის მოხდის სურვილი უჩნდებათ. მან ძალიან ბევრი შეურაცხყოფის უფლება მისცა თავის თავს, ის ძალიან გასცდა ოპონირების ფარგლებს. ეს სამწუხაროა,"- აცხადებს თინა ხიდაშელი.
