თქვენ აირჩიეთ გენიალური კამანდა - ბიძინა ივანიშვილი
ქართული ოცნების გამარჯვება პარტიის ოფისთან შეკრებილებს ყოფილმა პრემიერმა, ბიძინა ივანიშვილმა, მიულოცა. მან სიტყვით გამოსვლისას მადლობა გადაუხადა მხარდამჭერებსა და პრემიერმინისტრ გიორგი კვირიკაშვილის მისამართით საქებარი სიტყვა წარმოთქვა.
„მართლაც შთამბეჭდავი გამარჯვება მოიპოვა ქართულმა ოცნებამ. დღევანდელი გამარჯვება გაგრძელებაა 2012 წლის გამარჯვებისა. საქართველო დიქტატურის მსხვერპლი შეიძლება, გამხდარიყო და პატრიარქის სიტყვებს თუ გავიხსენებთ, უფსკრულის წინაშე ვიდექით. დღეს საქართველო დემოკრატიული ღირებულებებით, ადამიანის უფლებებით ევროპის მოწინავე ქვეყნებთან კონკურენციაშია. თქვენ გყავთ კვირიკაშვილი, ნაცვლად იმ დაბნეული, არეული ხალხისა, თქვენ გყავთ ჭეშმარიტად თქვენი საყვარელი ხელისუფლება, თქვენ გყავთ კვირიკაშვილის მეთაურობით მთავრობა, გენიალური ლიდერი კაცი, რომელიც პატიოსნებასა და ზნეობაზე აქვს პრეტენზია. თქვენ აირჩიეთ გენიალური გუნდი კვირიკაშვილის მეთაურობით, გენიალური კამანდა. გარწმუნებთ, რომ ჩვენი ქვეყანა სწორი მიმართულებით განვითარდება,“ - განაცხადა ბიძინა ივანიშვილმა.
