საქართველოს მოქალაქეები პირადობის მოწმობის აღებას უფასოდ შეძლებენ
საქართველოს მოქალაქეები პირადობის მოწმობის აღებას უფასოდ შეძლებენ. იუსტიციის მინისტრის ბრძანებით, საარჩევნო სიის დახვეწის პროექტის ფარგლებში, 15 თებერვლიდან 31ოქტომბრამდე მოწმობის აღებას უფასოდ შეძლებენ ის ადამიანები, რომელთაც არ გააჩნდათ არც პირადობის დამადასტურებელი მოწმობა და არც პასპორტი.
ასევე პირები, რომელთა რეგისტრაციის მისამართი ფიზიკურად აღარ არსებობს, რეგისტრაციიდან მოხსნილი საქართველოს მოქალაქეები და მოქალაქეთა სხვა კატეგორია. აქცია ეხება მათაც, ვისაც 31 ოქტომბრამდე 18 წელი უსრულდება.
