"დაწყევლილმა" პროკურორებმა დეკანოზი ამ დრომდე ვერ დაკითხეს
ციანიდს საქმეში ბრალდებული დეკანოზ გიორგი მამალაძის დაკითხვის უკანასკნელი მცდელობა უშედეგო აღმოჩნდა. პროკურატურამ მამა გიორგი ავადმყოფობის სიმულირებაში დაადანაშაულა და ასევე გამომძიებელმა განაცხადა, რომ მამა გიორგიმ ისინი დაწყევლა.
მამა გიორგის ადვოკატ, მიხეილ რამიშვილს, ტექსტი, რომელიც პროკურორმა წყევლად მიიჩნია, ჩაწერილი აქვს.
„თუ მე შევიძინე ციანიდი, მე ვიყო ჩემი ოჯახით წყეული ან ყველა ის პიროვნება და მისი ოჯახი, ვინც ეს ყველაფერი მე მომიწყო,“ - ნათქვამია ტექსტში.
