პრემიერმინისტრი მედიაომბუდსმენის ინსტიტუტის შექმნის ინიციატივით გამოდის
გიორგი კვირიკაშვილის პასუხი რუსთავი 2-ის საქმეზე. პრემიერმინისტრი მედიაომბუდსმენის ინსტიტუტის შექმნის ინიციატივით გამოდის. განცხადება ამის შესახებ გიორგი კვირიკაშვილმა დღეს მედია კოალიციის წევრ ორგანიზაციებთან შეხვედრაზე გააკეთა.
პრემიერის ინიციატივის მიხედვით, ამ ინსტიტუტში მოწვეული იქნებიან მსოფლიოში ყველაზე მაღალი რეპუტაციის მქონე მედიის უფლებადამცველები.
პრემიერი მიიჩნევს, რომ სამწუხაროდ, მიზანმიმართულად მოხდა გარკვეულად ზღვრის წაშლა მფლობელობის საკითხსა და მედიაპლურალიზმს შორის და არასამთავრობო სექტორთან შეხვედრის მიზანი იყო საუბარი იმ აღქმებზე, რომელიც დღეს ქვეყანაში შეიქმნა და რომელიც, მთავრობის მეთაურის აზრით, არსებული რეალობისგან მნიშვნელოვნად განსხვავდება.