აქცია ევროპის ადამიანის უფლებათა დაცვის სასამართლოსთან
აქცია ევროპის ადამიანის უფლებათა დაცვის სასამართლოსთან - საფრანგეთში მცხოვრები ქართველები რუსთავი 2-ის მხარდასაჭერად შეიკრიბნენ. ისინი დადებითად აფასებენ სტრასბურგის სასამართლოს გადაწყვეტილებას, რომლის თანახმადაც უზენაესი სასამართლოს გადაწყვეტილების აღსრულება დროებით შეჩერებულია.
ქართველი დიასპორის წარმომადგენლები აცხადებენ, რომ ის რაც დღეს რუსთავი 2-ის გარშემო ხდება, მათ აგონებს რუსეთში, პუტინის სცენარით განვითარებულ მოვლენებს.
აქციის მონაწილეები იმედს გამოთქვამენ, რომ სტრასბურგის სასამართლო გაითვალისწინებს რუსთავი 2-ის იურისტების მოთხოვნას, წარმოებაში მიიღებს სარჩელს და ასევე ევროსასამართლოში საქმის განხილვის დასრულებამდე შეაჩერებს სასამართლოს გადაწყვეტილების აღსრულებას.