პროკურატურამ უკვე დაკითხა საპატრიარქოს თანამშრომლები
ე.წ. ციანიდის საქმეზე საგამოძიებო მოქმედებები გრძელდება. პროკურატურამ უკვე დაკითხა საპატრიარქოს თანამშრომლები. როგორც გაირკვა, ასევე უკვე დაიკითხა პატრიარქის მდივან რეფერანტი შორენა თეთრუაშვილი. ამ ინფორმაციას ადასტურებს საპატრიარქოს იურისტი.
ედიშერ ქარჩავას ინფორმაციით, შორენა თეთრუაშვილი საგამოძიებო ორგანომ დაზარალებულად ცნო. მისი დაკითხვა სავარაუდოდ, ხუთშაბათს ან პარასკევს მოხდა. იურისტი ამის შესახებ ზუსტ ინფორმაციას არ ფლობს.