ირაკლი კობახიძე პრეზიდენტის არჩევის წესის ცვლილების თაობაზე საუბრობს
„ჩვენ ამ ნაბიჯს ვდგამთ არა გიორგი მარგველაშვილისთვის, არამედ გიორგი მარგველაშვილის ფაქტორის გამო,“ - განაცხადა საქართველოს პარლამენტის თავმჯდომარემ, ირაკლი კობახიძემ, პრეზიდენტის არჩევის წესის ცვლილების თაობაზე.
მისი განცხადებით, პარლამენტი პრეზიდენტის კომპეტენციებს არ ეხება, ამის თაობაზე გადაცემა არჩევანის პირდაპირ ეთერში ისაუბრა. მან პრეზიდენტის ინსტიტუტის უფლებამოსილებაში ცვლილებებთან დაკავშირებით წარმოქმნილ დაპირისპირებაზე ისაუბრა.
მან აღნიშნა, რომ კონსტიტუცია უნდა იცვლებოდეს გრძელვადიანი ხედვის საფუძველზე და არა კონკრეტულ სუბიექტებზე მორგებით. ირაკლი კობახიძის განცხადებით, კომისიაში პრეზიდენტის არჩევის წესი განიხილეს, თუმცა საუბარი მხოლოდ გრძელვადიან გეგმაზე იყო.
მისი აზრით, ამ საკითხზე სპეკულაციები მხოლოდ ნაციონალური მოძრაობიდან და პრეზიდენტის ადმინისტრაციიდან მოდიოდა.
