უკიდურესი დაპირისპირების მიზეზები და ურთიერთბრალდება
ბათუმში მომხდარი არეულობიდან მესამე დღეს ჯერ კიდევ უცნობია, თუ რა გახდა უკიდურესად მწვავე დაპირიპირების მიზეზი. თუმცა, ამ საკითხზე არაერთი ვერსია არსებობს, მათ შორის აქტიურად საუბრობენ ბათუმში უსაფრთხოების სამსახურსა და საპატრულო პოლიციას შორის არსებულ დაპირისპირებაზე.
ძალოვანებს შორის არსებულ უთანხმოებას არ უარყოფს თავად სუს-ის ერთ-ერთი თანამშრომლის ოჯახი. ამირან ყიფიანის ახლობლები იმ ვიდეომასალის გასაჯაროვებას გეგმავენ, სადაც, მათივე მტკიცებით, რამდენიმე დღის წინ ყიფიანის ძმასა და პოლიციას შორის მომხდარი დაპირისპირებაა ასახული.
