მიცკევიჩის მოსახლეობა კორპუსის მშენებლობას აპროტესტებს
ხმაური და სიტყვიერი დაპირისპირება თბილისის ცენტრში. მიცკევიჩის 27 ნომრის მოსახლეობა მრავალსართულიანი კორპუსის მშენებლობის დაწყებას აპროტესტებს. მათი განცხადებით, პროექტის განხორციელების შემთხვევაში, სახლთან მისასვლელი ბოლო გზა ჩაიკეტება.
სამშენებლო კომპანია სამუშაოების დაწყებას დღეს გეგმავდა, თუმცა ნებართვის არსებობის მიუხედავად, არასაკმარისი დოკუმენტაციის მოტივით, მერიის ზედამხედველობის სამსახურის წარმომადგენელმა დღეს მშენებლობის დაწყების უფლება არ მისცა.