ზიდანმა ახსნა, თუ რატომ ელოდება 2 სექტემბერს მოუთმენლად
მადრიდის რეალის მთავარმა მწვრთნელმა ზინედინ ზიდანმა ესპანეთის ჩემპიონატის მეორე ტურში ვალიადოლიდთან გასამართი მატჩის წინ განაცხადა, რომ შესაძლო ტრანსფერებზე საუბრით გადაიღალა.
"შესაძლოა, 2 სექტემბრამდე ყველაფერი მოხდეს. მოთამაშეები მიდიან და მოდიან. ასეთი რამ ყველა გუნდში ხდება. აი, სწორედ ამიტომ ველოდები 2 სექტემბერს - მინდა, რომ ამ ყველაფრის შესახებ საუბარი შეწყდეს", - ციტირებს ზიდანს Marca.
ლა ლიგის მეორე ტურის შეხვედრას მადრიდის რეალი 24 აგვისტოს, ვალიადოლიდთან საკუთარ სტადიონზე გამართავს.
წყარო
