გლდანში 15 წლის ბიჭის დაჭრის ფაქტზე დაკავებულს პატიმრობა შეეფარდა
თბილისის საქალაქო სასამართლოში მეტროსადგურ „ახმეტელის თეატრის“ მიმდებარე ტერიტორიაზე არასრულწლოვნის დაჭრის ფაქტზე დაკავებულ მამაკაცს აღკვეთის ღონისძიებად სასამართლომ პატიმრობა შეუფარდა.
სხდომა დახურულ რეჟიმში მიმდინარეობდა.
15 წლის გიორგი ფალელაშვილი რამდენიმე დღის წინ გლდანში უცნობმა მამაკაცმა დაჭრა. მოზარდს ჭრილობები მუცლის ღრუში ჰქონდა მიყენებული, რის შედეგადაც დაზიანება პანკრეასისა და კუჭის არეში აქვს მიღებული.
გამოძიება სისხლის სამართლის კოდექსის 19/109 მუხლით დაიწყო, რაც არასრულწლოვნის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.
ახლობლების თქმით, ბიჭი რესტორნიდან გამოსულმა უცნობმა მამაკაცმა დაჭრა.
წყარო:newpost.ge
