ზოდიაქოს ერთადერთი ნიშანი, რომელსაც \'\'ეშმაკის ადვოკატს“ უწოდებენ
მას არ აქვს ცხოველის ტოტემური ნიშანი. მისი სიმბოლო ფუტკარია - ჭკვიანი და შრომისმოყვარე, რომლის ძალა თვისიანებთან ერთიანობაშია. და ეს - სასწორია!
გულისხმიერია
სასწორს ახლობლები ხშირად აკითხავენ მაშინ, როცა პრობლემები აქვთ სასწორი ცდილობს, ნებისმიერი სირთულის არსს ბოლომდე ჩაეძიოს, ვიდრე რჩევას მისცემს. ყოველთვის მზად არის, ყურადღებით მოუსმინოს ადამიანს და მორალურად მაინც დაეხმაროს.
ნეიტრალურია
თუ მის ირგვლივ კონფლიქტია, სასწორი ჯერ შორიდან აკვირდება. მას „ეშმაკის ადვოკატს“ უწოდებენ იმის გამო, რომ არასდროს არცერთ მხარეს არ ირჩევს. მართალია, ბოლოს იგი კონფლიქტში ჩაერევა და სიტუაციას დააშოშმინებს, მაგრამ ბოლომდე ნეიტრალურ პოზიციას შეინარჩუნებს!
მომხიბვლელია
სასწორის ხიბლს ვერსად წაუვალთ. სასწორს უდიდესი ნიჭი აქვს, ღრმად ჩასწვდეს თქვენს ემოციებს, გაგრძნობინოთ, თუ როგორი საჭირო და საინტერესო ხართ და ასეთი პოზიტივით თავბრუ დაგახვიოთ.
სასწორი ცდილობს, ადამიანის შინაგანი სამყარო ბოლომდე ამოიცნოს. მხოლოდ გარეგნულ ნიშნებს არ ენდოს. ეს კარგად გამოსდის კიდეც, მაგრამ მიუხედევად ამისა, სასწორმა არ იცის „არა“-ს თქმა. ამის გამო ხშირად ხვდება სტრესულ სიტუაციაში.
მგრძნობიარეა
როცა სასწორთან კამათი გაქვთ, მისი ქარიზმა და სიკეთე მაინც „მუშაობს“, ეს კი სიტუაციის დროულად გარკვევას ეხმარება. სასწორს არ უყვარს, როცა ბრაზდება, მაგრამ თუ აქამდე მივა, გირჩევნიათ, გვერდზე გაიწიოთ (ისე, შემდეგ თვითონ ყოველთვის ნანობს საკუთარ გაბრაზებას).
რომანტიკულია
თუკი გაგიმართლებთ და სასწორი შეგიყვარებთ, იცოდეთ, რომ არასდროს მოგაკლდებათ გულწრფელი გრძნობები, ემოციები, მზრუნველობა. ამაზე დიდ სიყვარულს ვერსად იპოვით.
სასწორს არ სჯერა ერთი ნახვით შეყვარების. იგი ფრთხილია და ხანგრძლივ ურთიერთობას ეძებს. ეს არც არის გასაკვირი - მას ხომ მთელი გულის მიცემა სურს.
ლიდერია
ვერავინ ახერხებს უხერხული ან ურთულესი სიტუაციიდან ისე გამოსვლას, როგორც სასწორი. ის უმაღლესი დონის დიპლომატიურობით აკეთებს ამას.
სასწორი დაბადებიდან ლიდერია. უნიჭობას ვერ იტანს. რაც არ უნდა ახლოს იყოთ მასთან, გახსოვდეთ, რომ სასწორს ზოგჯერ მარტო ყოფნა სჭირდება.
სილამაზის დაფასება შეუძლია
სასწორი ვენერას მმართველობაშია. ვენერა სილამაზიისა და სიყვარულის ქალღმერთია. სასწორი სილამაზე ყველაფერში აფასებს - გარეგნობაში, მეგობრობაში, პარტნიორობაში თუ ხელოვნებაში.
\'\'ქართული აზრი\'\'
