ნიღბები ჩამოხსნილია - 12 წლის განმავლობაში ივანიშვილი და " ოცნება" კრემლის პოლიტიკას ახორციელებდნენ - იუკნევიჩიენე
ევროპარლამენტარი რასა იუკნევიჩიენე სოციალურ ქსელ X-ზე "ქართული ოცნების" მიერ ევროკავშირთან მოლაპარაკებების შეჩერების ფაქტს ეხმაურება.
ევროპარლამენტარი წერს, რომ ივანიშვილის გუნდმა, რომელიც 12 წლის განმავლობაში კრემლის პოლიტიკას ემსახურებოდა, ნიღბები საბოლოოდ ჩამოიხსნა.
საბოლოოდ, ნიღბები ჩამოხსნილია. 12 წლის განმავლობაში ივანიშვილი და "ქართული ოცნება" ახორციელებდნენ კრემლის პოლიტიკას, უგულებელყოფდნენ ევროკავშირისა და ნატოს მისწრაფებებს. მაგრამ რას ფიქრობს ქართველი ხალხი? მათ ნამდვილად სურთ რუსეთთან დარჩენა?" - წერს იუკნევიჩიენე.
"ოცნება" ევროკავშირში გაწევრიანების პროცესს აჩერებს - როგორც ირაკლი კობახიძემ საგანგებო ბრიფინგზე განაცხადა, "ოცნება" 2028 წლის ბოლომდე უარს ამბობს ევროკავშირთან მოლაპარაკებების გახსნის საკითხზე.
