თბილისში კერძო სახლები გაძვირდა - როგორია ფასები უბნების მიხედვით
2026 წლის პირველ კვარტალში, წინა კვარტალთან შედარებით, საცხოვრებელი უძრავი ქონების ფასების ინდექსი 1.8%-ით, ხოლო წლიურად 3%-ით გაიზარდა - ამის შესახებ ირკვევა სტატისტიკის ეროვნული სამსახურის მონაცემებიდან.
აღსანიშნავია, რომ 2026 წლის პირველ კვარტალში, წინა კვარტალთან შედარებით კერძო სახლების სეგმენტში 1.1%-იანი მატება დაფიქსირდა. ეს კი მაშინ, როცა წინა წლის პირველ კვარტალთან შედარებით კერძო საცხოვრისების ფასი 1.8%-იან მატებას აჩვენებს.
2026 წლის პირველ კვარტალში თბილისის უბნების მიხედვით, კერძო სახლები ყველაზე ძვირი მთაწმინდაზე ღირდა და ფასი 1 კვ.მ-ზე საშუალოდ 4 835 ლარს შეადგენდა.
ამავე პერიოდში 1 კვ.მ კერძო სახლის ფასი ყველაზე დაბალი ნაძალადევში იყო და საშუალო ფასი 2 594 ლარით განისაზღვრებოდა.
როგორ შეიცვალა კერძო სახლების ფასი ერთ წელში თბილისის უბნების მიხედვით
თუ გადავხედავთ კერძო სახლების ფასის ცვლილებას დედაქალაქის უბნების მიხედვით, უმეტესად ზრდა ფიქსირდება - გამონაკლისია ისანი, გლდანი და ნაძალადევი.
კერძოდ, „საქსტატის“ მონაცემები აჩვენებს, რომ ისანში 1 კვ.მ-ის კერძო სახლის ფასი წლიურად უცვლელი დარჩა. გლდანის შემთხვევაში ფიქსირდება ფასების 6.2%-იანი, ხოლო ნაძალადევში 6.3%-იანი კლება.
კერძოდ, 2026 წლის პირველ კვარტალში 1 კვ.მ კერძო სახლის საშუალო ფასები ასე გამოიყურებოდა:
- მთაწმინდა - 4 835 ლარი;
- ვაკე - 4 500 ლარი;
- დიდუბე - 4 242 ლარი;
- საბურთალო - 3 471 ლარი;
- ჩუღურეთი - 3 249 ლარი;
- ისანი - 3 172 ლარი;
- სამგორი - 3 164 ლარი;
- კრწანისი - 3 164 ლარი;
- გლდანი - 2 596 ლარი;
- ნაძალადევი - 2 594 ლარი.
2025 წლის პირველ კვარტალში დედაქალაქში უბნების მიხედვით კერძო სახლების საშუალო ფასი კვ.მ-ზე კი ასეთი იყო:
- მთაწმინდა - 4 687 ლარი;
- ვაკე - 4 138 ლარი;
- დიდუბე - 3 858 ლარი;
- საბურთალო - 3 567 ლარი;
- ისანი - 3 172 ლარი;
- ჩუღურეთი - 2 954 ლარი;
- კრწანისი - 2 903 ლარი;
- სამგორი - 2 780 ლარი;
- გლდანი - 2 767 ლარი;
- ნაძალადევი - 2 767 ლარი.
