300-ლარიანი ერთჯერადი სოციალურ დახმარება უკვე 54 ათასმა მოქალაქემ მიიღო - გახარია
საქართველოს პრემიერმინისტრის გიორგი გახარიას განცხადებით, ერთჯერადი 300 ლარიანი სოციალური დახმარება უკვე 54 ათასმა მოქალაქემ მიიღო. მისი თქმით, ჯამში შესული იყო 65 ათასზე მეტი განაცხადი:
„28 ნოემბერს დაწყებული მიზნობრივი შეზღუდვების საპასუხოდ, საქართველოს მთავრობამ გამოაცხადა მოქალაქეების მიზნობრივი დახმარებების მეოთხე ტალღა. დღეის მდგომარეობით, 300-ლარიან ერთჯერადდახმარებაზე მიღებულია 65 ათასზე მეტი განაცხადი, რომლისგანაც 54 ათასი განაცხადი უკვე დაკმაყოფილებულია. რა თქმა უნდა, ჩვენ ახალ წლამდე ყველა განაცხადს, რომელიც იქნება ჩვენი მოქალაქეების მხრიდან მიღებული, დავაკმაყოფილებთ", - განაცხადა გიორგი გახარიამ.
წყარო:newpost.ge
