ბათუმში, აქციაზე დაკავებულ 11 ადამიანს სასამართლომ ჯარიმა დააკისრა
ბათუმის საქალაქო სასამართლომ გუშინ გვიან ღამით აქციაზე დაკავებულ პირებს ჯარიმა დააკისრა. კერძოდ, 11 დაკავებულიდან ცხრას ათასლარიანი ჯარიმა, ორს კი, 1500 ლარი დაეკისრა.
როგორც ისინი აცხადებენ, ჯარიმებს გადახდას არ აპირებენ.
საუბარია 6 თებერვლის ღამით ბათუმში აქციის 11 წევრის დაკავებაზე. ისინი მაშინ დააკავეს, როცა კომენდანტის საათი დემონსტრაციულად დაარღვიეს და ქუჩაში გამოვიდნენ “არაგონივრული შეზღუდვების” გაუქმების მოთხოვნით.
