ვარკეთილში მამაკაცი ცივი იარაღით დაჭრეს
თბილისში, ვარკეთილში, სუხიშვილის ქუჩაზე ურთიერთშელაპარაკების ნიადაგზე მამაკაცი ცივი იარაღით დაჭრეს.
თავდამსხმელმა მსხვერპლს დაზიანება ზურგისა და მუცლის არეში მიაყენა. შემთხვევა ხალხმრავალ ეზოში მოხდა, რის შემდეგაც თავდამსხმელი შემთხვევის ადგილიდან მიიმალა, სასწრაფო დახმარება კი, მეზობლებმა გამოიძახეს.
დაშავებული პირი ამ დროისთვის საავადმყოფოშია გადაყვანილი.
