გიორგი ბარამიძე და მისი ცოლი "დაუმორჩილებლობის მარშში" მონაწილეობისთვის დააჯარიმეს
"ნაციონალური მოძრაობის" წევრი, გიორგი ბარამიძე და მისი მეუღლე "დაუმორჩილებლობის" აქციაში მონაწილების გამო 2 000-2 000 ლარით დააჯარიმეს. ამის შესახებ ის ინფორმაციას სოციალურ ქსელში ავრცელებს.
როგორც ბარამიძე წერს, ჯარიმა უსამართლოა და მის გასაჩივრებას სასამართლოში აპირებს.
"როგორც მოსალოდნელი იყო, პოლიციიდან მე და ჩემს მეუღლესაც დაგვირეკეს და გვაცნობეს რომ 2000/2000 ლარით დაჯარიმებულები ვართ, კომენდანტის საათის გაუქმების მოთხოვნით გამართულ საპროტესტო მარშში მონაწილეობის გამო.
ავუხსენი, რომ ეს მოქმედება იყო, ჩვენი პოლიტიკური პროტესტი პოლიტიკური მოტივებით მოქმედი ჩვენი ქვეყნის ეკონომიკის დამანგრეველი და ხალხის კიდევ უფრო მეტად გამაღარიბებელი შეზღუდვების წინააღმდეგ.
ამიტომ ცხადია არ ვეთანხმები ამ ჯარიმის სამართლიანობას და ვაპირებთ შესაბამისი წესით სასამართლოში გავასაჩივროთ. არა პოლიტიკურ შეზღუდვებს!" - წერს ბრამიძე.
