რა არის ვერტებრო-ბაზილარული სინდრომი

რა არის ვერ­ტებ­რო-ბა­ზი­ლა­რუ­ლი სინ­დრო­მი და რა სიმპტო­მე­ბი ახა­სი­ა­თებს მას?

ვერტებ­რო-ბა­ზი­ლა­რუ­ლი არ­ტე­რი­უ­ლი სინ­დრო­მი წარ­მო­ად­გენს პა­თო­ლო­გი­ურ სიმპტო­მო­კომ­პლექსს, რო­მე­ლიც თა­ვის ტვი­ნის ფუნ­ქცი­ო­ნი­რე­ბა­ზეა ისა­ხე­ბა ხერ­ხემ­ლი­სა და ბა­ზი­ლა­რულ არ­ტე­რი­ებ­ში სის­ხლის მი­მოქ­ცე­ვის დარ­ღე­ვის გამო.

ვერ­ტებ­რო­ბა­ზი­ლა­უ­რი უკ­მა­რი­სო­ბა თან­და­ყო­ლი­ლიც შე­იძ­ლე­ბა იყოს და შე­ძე­ნი­ლიც. თან­და­ყო­ლი­ლის მი­ზე­ზი მუც­ლად­ყოფ­ნის ან მშო­ბი­ა­რო­ბის დროს მი­ღე­ბუ­ლი ტრავ­მე­ბი და ანო­მა­ლი­ე­ბია. შე­ძე­ნი­ლი ფორ­მის მი­ზე­ზე­ბი კი არის ისე­თი პა­თო­ლო­გი­ე­ბი, რომ­ლე­ბიც არ­ღვევს სის­ხლის ნორ­მა­ლურ გა­დი­ნე­ბას თა­ვის ტვი­ნის­კენ მი­მა­ვალ არ­ტე­რი­ებ­ში.

ეს პა­თო­ლო­გი­ე­ბია:
ხერხემლის კისრის ნაწილის ტრავმები ან ოსტეოქონდროზი
თავის ტვინისკენ მიმავალი სისხლძარღვების ათეროსკლეროზი
ხერხემლის ან ბაზალური არტერიის თრომბოზი
ჰიპერტონული დაავადება
ვერტებრო-ბაზილარული არტერიების შიგნითა კედლის აშრევება
შაქრიანი დიაბეტი
სისხლძარღვთა განვითარების ანომალიები

ამ სინდრომის გამომწვევი მიზეზი ხშირ შემთხვევაში კისრის ოსტეოქონდროზია.

ვერტებრობაზილარული სინდრომის დროს პაციენტები უჩივიან:
ყურების შუილს,
თავის ტკივილს, რომელიც უმთავრესად კეფის მიდამოშია ლოკალიზებული,
გარემომცველი საგნების ბრუნვის შეგრძნებას,
იშვიათად - საკუთარი სხეულის გადაქანების შეგრძნებას,
თვალწინ "მუქი ფირების" არსებობას.

დამახასიათებელია აგრეთვე:

გულისრევა,
ღებინება,
სლოკინი,
სახის გაფითრება,
არცთუ იშვიათად შეინიშნება მხედველობის გაორება,
სმენის ფუნქციის დარღვევა,
მოძრაობის კოორდინაციის უმნიშვნელო დარღვევა.

საშიშროება
დაავადების ყველაზე დიდი საშიშროებაა ინსულტი, მყარი ნევროლოგიური დეფიციტი. თუმცა, ზუსტი დიაგნოზის შემთხვევაში და თანამედროვე, სრული მკურნალობის პირობებში დაავადებისგან განკურნება შესაძლებელია.

იმ პაციენტებში, რომლებსაც ხერხემლის კისრის მიდამოს პათოლოგიები აქვთ, მნიშვნელოვან სიმპტომად მიიჩნევა მოულოდნელი წაქცევა და უმოძრაობა გონის დაუკარგავად სხეულის მობრუნებისა და თავის უკან გადაწევის დროს.

შესაძლოა, რამდენიმე სიმპტომმა ერთდროულად იჩინოს თავი.

თავის ტვინის მდგომარეობის შესაფასებლად და სისხლძარღვოვანი ვიზუალიზებისთვის, გამოიყენება ისეთი კლინიკურ-ლაბორატორიული კვლევები, როგორიცაა:

თავის ტვინის სისხლძარღვების დუპლექსსკანირება;
მაგნიტურ–რეზონანსული ტომოგრაფია;
კომპიუტერული ტომოგრაფია;
სისხლში ქოლესტერინის დონის განსაზღვრა;
გლუკოზის განსაზღვრა სისხლში.

პირველადი სამედიცინო დიაგნოსტირება ნევროლოგის პრეროგატივაა. მკურნალობა ინიშნება მიზეზის შესაბამისად.

ცნო­ბი­ლი გახ­და, რომ თბი­ლი­სის მერი კახა კა­ლა­ძე კლი­ნი­კა­ში მკურ­ნა­ლობს. რო­გორც კა­ლა­ძემ სო­ცი­ა­ლურ ქსელ­ში და­წე­რა, მას ვერ­ტებ­რო-ბა­ზი­ლა­რუ­ლი სინ­დრო­მი და ვეს­ტუ­ბუ­ლო­პა­თია და­უ­დას­ტურ­და.