ავარია ახმეტაში - დაშავებულია 4 მოზარდი
ახმეტის მუნიციპალიტეტის სოფელ კოღოთოში ერთმანეთს ორი მსუბუქი ავტომანქანა შეეჯახა. ავტოსაგზაო შემთხვევის შედეგად, 4 მოზარდი დაშავდა.
"რუსთავი2"-ის ინფორმაციით, მთლიანობაში ინციდენტის შედეგად სხეულის მრავლობითი დაზიანებები მიიღო ხუთმა მგზავრმა, მათ შორის ოთხი არასრულწლოვანია.
დაშავებულები თელავის საავადმყოფოში მოათავსეს. შემთხვევის ადგილზე მობილიზებულია პოლიცია და მიმდინარეობს საგამოძიებო მოქმედებები.
