მიშელის დოკუმენტთან დაკავშირებით ამ წუთებში ნიკა მელიასთან კონსულტაციები მიმდინარეობს
"რესპუბლიკური პარტიის" წევრმა თამარ კორძაიამ "მთავარი არხის" ეთერში განაცხადა, რომ ევროპული საბჭოს პრეზიდენტის შარლ მიშელის მიერ წარმოდგენილ დოკუმენტთან დაკავშირებით ენმ-ს ლიდერთან ნიკა მელიასთან ამ წუთებში კონდულტაცია მიმდინარეობს:
"მე მიანც ოპტიმისტურად ვუყურებ ამ პროცესს, მე ამ წუთასაც ვიცი, რომ ნიკა მელიასთან მიმდინარეობს კონსულტაციები და ნიკა მელია არის მთავარი, წამყვანი ფიგურა ამ პროცესში, რადგან უშუალოდ მას ეხება და მის გადაწყვეტილებას პატივს ვცემ. მე მესმის ამ ადამიანის, რადგან ის არის უკანონო პატიმარი და უკანონო პატიმარსაც აქვს თავისი ღირსება, რომელსაც ის იცავს ისე, როგორც მას ეს მიაჩნია სწორად. როგორც ვიცი ამწუთას მასთან არიან შეხვედრაზე", - განაცხადა კორძაიამ.
