ზუგდიდში ახალგაზრდა კაცი დაჭრეს
ზუგდიდში, ენგურქაღალდკომბინატის დასახლებაში ახალგაზრდა კაცი, სავარაუდოდ, მეზობელმა დაჭრა.
დაჭრილ მამაკაცს ზუგდიდის რეფერალურ ჰოსპიტალში გაუწიეს სამედიცინო დახმარება და ის უკვე გაეწერა. მედიკოსების შეფასებით, მის სიცოცხლეს საფრთხე არ ემუქრება.
ფაქტზე საქმე აღძრულია სისხლის სამართლის კოდექსის 118-ე მუხლის პირველი ნაწილით, რაც სხეულის განზრახ ნაკლებად მძიმე დაზიანებას გულისხმობს.
