მამაკაცი, რომელსაც სოფელ ნატანებში თვეზე მეტია ეძებდნენ, ტყეში გარდაცვლილი იპოვეს
48 წლის მამაკაცი, რომელსაც ოზურგეთის მუნიციპალიტეტის სოფელ ნატანებში თვეზე მეტია ეძებდნენ, ტყეში გარდაცვლილი იპოვეს. ინფორმაციას რუსთავი 2-ის ვებ-გვერდი ავრცელებს. როგორც ირკვევა, ცხედარი მეზობელმა ტყეში წაბლის შეგროვების დროს იპოვა.
სავარაუდოდ, მას გარეული მხეცების ძალადობის კვალი ატყვია. ცხედარი ექსპერტიზაზეა გადაყვანილი.
მამაკაცს, რომელსაც შშმ პირის სტატუსი ჰქონდა, ოჯახი და ახლობლები აგვისტოს დასაწყისიდან ეძებდნენ. საქმეში ჩართული იყო, როგორც სამართალდამცველი უწყება, ასევე სამაშველო სამსახური.
