სააკაშვილი - ბედნიერი ვარ, რომ ნამდვილი გმირი, ნიკა მელია კიევშია ჩამოსული
ბედნიერი ვარ, რომ ნამდვილი გმირი, ნიკა მელია კიევშია ჩამოსული ხანმოკლე, ძალიან დატვირთული სამუშაო ვიზიტით" - ამის შესახებ საქართველოს ექსპრეზიდენტი, მიხეილ სააკაშვილი "ნაცმოძრაობის" თავმჯდომარე, ნიკა მელიას შესახებ გავრცელებულ ვიდეოში საუბრობს.
მისი თქმით, ნიკა მელიას ძალიან დიდი გეგმები აქვს და ქართველი ხალხის დასახმარებლად ძალიან მაღალი ტალღა აწია.
"ძალიან ბედნიერი ვარ, რომ ნამდვილი გმირი, ნიკა მელია არის ჩამოსული კიევში ხანმოკლე, ძაან დატვირთული სამუშაო ვიზიტით. იმიტომ რომ, დასვენების დრო... მე მის ადგილას დავისვენებდი ციხის მერე. რასაც ვუყურებ, იმხელა ენერგია აქვს და იმხელა დრაივი აქვს, რომ ერთი წამით არ შეუძლია დაჯდომა და დასვენება, რაც ნიშნავს იმას, რომ ეს არის გამარჯვების საწინდარი. ძალიან დიდი გეგმები არის და დიდი გეგმები აქვს ნიკას და ძალიან მაღალი ტალღა აწია ქართველი ხალხის დასახმარებლად. ჩემი აზრით, ეს მართლა უნიკალური კომბინაციაა, ასე რომ ძაან ვამაყობ, რომ მისი თანამებრძოლი ვარ, აღფრთოვანებული ვარ მისი გამბედაობით, შეუვალობით და პრინციპულობით", - აცხადებს მიხეილ სააკაშვილი.
