ბომბი თბილისი-კიევის თვითმფრინავში - სამართალდამცველები ასაფეთქებელ მოწყობილობას ეძებენ
უკრაინაში ბორისპოლის აეროპორტში თვითმფრინავში, რომელმაც თბილისი-კიევის რეისი შეასრულა, სამართალდამცავები ბომბს ეძებენ. ინფორმაციას უკრაინულ მედიაზე დაყრდნობით "რუსთავი2" წერს.
გავრცელებული ინფორმაციით, უსაფრთხოების ძალების წარმომადგენლებმა თვითმფრინავიდან ადამიანები 5-5 კაციან ჯგუფებად გამოიყვანეს და თითოეულ მათგანს ძაღლის მეშვეობით ამოწმებდნენ.
თბილისი-კიევის რეისის მგზავრთა პირველი ნაწილი, რომელთა მიმართაც უსაფრთხოების ზომები უკვე გატარებულია, ბორისპოლის აეროპორტის შენობაში გადაიყვანეს.
არაოფიციალური ინფორმაციით, ბორტზე ბომბის არსებობის შესახებ შეტყობინება მიიღეს.
