შენგელია რუსეთის ჩემპიონია
დასრულდა 2020/2021 წლების VTB ლიგის საკალათბურთო სეზონი რუსეთში. ფინალში მოსკოვის ცსკ-ა ყაზანის „უნიქსს“ დაუპირისპირდა და საერთო ჯამში 3:0 დაამარცხა. დღევანდელი დაპირისპირება კი თორნიკე შენგელიას გუნდმა 89:81 მოიგო.
ქართველმა კალათბურთელმა პარკეტზე 26 წუთი და 51 წამი დაჰყო. ამ პერიოდის განმავლობაში თორნიკემ 19 ქულას, 7 მოხსნას და 1 შედეგიან გადაცემას მოუყარა თავი.
აღსანიშნავია, რომ „არმიელების“ მხრიდან საუკეთესო და ყველაზე შედეგიანი სწორედ შენგელია იყო. საქართველოს ნაკრების კაპიტანმა თავის გუნდს ულიდერა და ჩემპიონი გახადა.
Токомотив разогнался не на шутку ????????@TokoShengelia23 ????????
pic.twitter.com/UORVSpb1lH— CSKA Moscow (@cskabasket) June 10, 2021