იმ პირებს, რომლებმაც პლაკატები "არა ნაცებს! არა ბოროტებას!" გააკრეს, 1000-ლარიანი ჯარიმა დაეკისრათ
1000-1000 ლარით დაჯარიმდნენ პირები, რომლებმაც თბილისში პლაკატები წარწერით - "არა ნაცებს! არა ბოროტებას! განათავსეს.
როგორც თბილისის მერიაში განმარტეს, დედაქალაქის სხვადასხვა ქუჩაზე მოქალაქეთა ჯგუფმა თვითნებურად გააკრა პლაკატები, დაამახინჯა ქალაქის იერსახე, რაც უკანონო ქმედებაა.
შეგახსენებთ, რომ 24 ივლისს თბილისში გამოჩნდა პლაკატები, სადაც "ნაცმოძრაობის" წევრებთან ერთად, მედიამენეჯერები და ჟურნალისტები იყვნენ გამოსახელები.
