რა რეგულაციები შემსუბუქდა დღეიდან
უწყებათაშორისი საკოორდინაციო საბჭოს გადაწყვეტილებით, დღეიდან, 6 ოქტომბრიდან კვების ობიექტების მუშაობა ერთი საათით ხანგრძლივდება.
რესტორნები, კაფე-ბარები და კვების სხვა დაწესებულებები 22:00 საათის ნაცვლად, 23:00 საათამდე იმუშავებენ.
იხსნება ფესტივალებსა და კონცერტებზე დაწესებული შეზღუდვაც. მათი ჩატარება რეგულაციების დაცვით იქნება შესაძლებელი.
გარდა ამისა, საკოორდინაციო საბჭომ მიიღო გადაწყვეტილება, რომ 9 ოქტომბერს საქართველო-საბერძნეთის მატჩზე მაყურებელთა 33% დაუშვას.
გუშინ, 5 ოქტომბერს დასწრებული ფორმით განახლდა სწავლა სკოლებში, სკოლამდელი აღზრდის დაწესებულებებსა და უმაღლეს სასწავლებლებში.
