8 წლის ბავშვი ადგილზე გარდაიცვალა, 9 წლის მოზარდი სიკვდილს ებრძვის - ტრაგედია გორი-შავშვების მონაკვეთზე
სოფელ შავშებთან მომხდარი ავარიის შედეგად 4 ადამიანი, მათ შორის 8 წლის ბავშვი დაიღუპა.
დაშავდა 9 წლის მოზარდი, რომელიც სასწრაფო-სამედიცინო დახმარების მანქანით კლინიკა „გორმედში“ გადაიყვანეს, სადაც გადაუდებელი ქირურგიული ოპერაცია უტარდება.
გავრცელებული ინფორმაციით, ავტობანზე მოძრავი მანქანის მძღოლმა საჭე ვერ დაიმორჩილა, გზის სავალი ნაწილიდან გადავარდა და ამობრუნდა.
შსს-ს ცნობით, მომხდარზე გამოძიება სსკ-ის 276-ე მუხლით მიმდინარეობს, რაც მოძრაობის უსაფრთხოების და წესების დარღვევას გულისხმობს.
