დახმარებას ითხოვდა თურმე და არცერთი მეზობელი არ მიშველებია - რას ჰყვებიან მეზობლები შვილის მიერ მოკლულ ქალზე?
თბილისში 17 წლის მოზარდმა საკუთარი დედა მოკლა. მას მეგობარიც ეხმარებოდა. საზარელი მკვლელობა გუშინ, 13 აგვისტოს მოხდა.
ახლახან მკვლელობის ახალი დეტალები გავრცელდა.
როგორც ირკვევა, 17 წლის მოზარდი, რომელსაც ბრალად დედის, 34 წლის ჟანა ხალილოვას მკვლელობა ედება, გარდაბანში მცხოვრები ნორუს ხალილოვია.
გამოძიების ვერსიით, არასრულწლოვანმა თავისი 19 წლის მეგობრის დახმარებით, დედა ცივი იარაღით მოკლა. როგორც ცნობილია, მკვლელობას წინ ურთუერთშელაპარაკება უძღოდა, თუმცა უცნობია რა გახდა დანაშაულის მოტივი.
"თავის შვილს გამოუჭრია ყელი, შემდეგ გარდაბანში წასულა, სადაც ცხოვრობდნენ და ბებიასა და ბაბუისთვის უთქვამს ასეთი რამე ჩავიდინეო. უყვირია ამ გოგოს დამეხმარეთო და არცერთი მეზობელი არ მიშველებია. ძალიან მაგარი გოგო იყო, შეგნებული" - ამბობენ გარდაცვლილი ქალის მეზობლები.
სამართალდამცველებმა მკვლელობაში ბრალდებული და მისი მეგობარი უკვე დააკავეს.
წყარო: „მთავარი“
