დააკავეს კაცი, რომელმაც ლაღიძის ქუჩაზე ხელყუმბარა ისროლა
პოლიციამ დააკავა კაცი, რომელმაც 22 ოქტომბერს რუსთაველზე, ლაღიძის ქუჩაზე ხელნაკეთი ხელყუმბარა ისროლა.
შეგახსენებთ, რომ შემთხვევის შედეგად 3 ადამიანი დაშავდა. ისინი კლინიკაში გადაიყვანეს. ამ დროისთვის, მათ სიცოცხლეს საფრთხე არ ემუქრება.
როგორც ცნობილია, დამნაშავემ ხელყუმბარა ერთ-ერთ დაშავებულს შურისძიების მიზნით ესროლა.
მომხდარზე გამოძიება სისხლის სამართლის კოდექსის მე-19, 109-ე და 236-ე მუხლებით მიმდინარეობს.
