თურქეთის პრეზიდენტმა მიწისძვრით დაზარალებულ 10 პროვინციაში სამთვიანი საგანგებო მდგომარეობა დააწესა
თურქეთის პრეზიდენტმა, რეჯეფ თაიფ ერდოღანმა დამანგრეველი მიწისძვრების შედეგად დაზარალებული 10 პროვინცია სტიქიის ზონად გამოაცხადა და რეგიონში სამთვიანი საგანგებო მდგომარეობა დააწესა.
ერდოღანმა განაცხადა, რომ თურქეთში დაღუპულთა რიცხვი 3 549-მდე გაიზარდა. ეს იმას ნიშნავს, რომ თურქეთსა და სირიაში მიწისძვრას მინიმუმ 5 151 ადამიანი ემსხვერპლა.